Tacan Aya

Kuring mah moal loba kahayang oge pamenta
Komo deui nyodorkeun persyaratan nu loba

Moal oge hayang dinangna-nengne
Diagung-agung atawa pupujieun

Dalah ngaragap angen sorangan
Moal mileuleuheung nu teu kahontal

Sagala rupa tos aya pasangannana
Ayeuna rumasa masih lelengohan

Ceuk Ema Eha indung kuring mah geus cukup umur
Manjing sagala rupana lahir katut batin

Tapi si jodo na kama atuh, dimana ayana
Bet tacan jol bae, bet tacan maturan bae

Aaah pasrah wae ayeuna mah
Muga-muga hiji waktu norojol

Kenging INA

Copyright © Tatar Pasundan