Peunggas

Peunggas
Dahan malati peunggas
Ninggalkeun seungit nu kamari nyari

Teu nyangka asih salira geuning bet regas
Lir dahan malati katebak ku angin bajra.

Peunggas dahan malati peunggas
ngantunkeun tangkal nu ngawawaas.

Aya ku harianeun
Deudeuh nu kamari limpas, ayeuna jadi korédas.

Panutan nu kagundamkeun
Malati nu kamari ku urang disungsi
Ayeuna indit tanpa bèja euweuh pamit.

Kawas anjeun nu miang
Duka kamana ukur nundakeun cimata tunggara.

Peunggas dahan malati peunggas,
Maturan harepan nu ilang tina pakarangan tresna.

Luthfi Izzatul Khairi

Copyright © Tatar Pasundan