Nyorang

Nyorang panineungan
Nyukcruk galur dina hambalan harepan
Ngigelan mangprangna jaman

Aeh,,,,
Gening wanci geus ganti deui
Nyerelek teu karasa rubahna
Teu katangen kahirupan ku gancang gunta ganti rupana
Meureun bakat ku betah

Sugan poho najan loba kasusah
Siga carita urang, panutan
Anu natrat dituliskeun ku langit beurang

Diteundeun dina hihieum bulan
Diguar dina impenan
Mangsa anjeun datang nyorang

Copyright © Tatar Pasundan