Impenan Urang

Tos lami pisan urang paanggang
Ka pisah ku mangsa jeung sagara
Nyumputken kapeurih ati dina geudur impian
Kasono lir silalatu nyimbutan saban waktu
Ngulayaban kokolèmaran di awang-awang
Moal suda mikacinta salira

Neng,
Sawang dina cai ibun
Cimata nu nyaksian peurih pa anggang
Ceurikna hatè balilihan saban peuting

Neng,
Tuh tingali sarèngèngè
Impènan jeung kahayang urang
Panghibar ka waas akang
Nyukcruk lèngkah nunggara pangumbaraan
Ngahontal bagja asih Pangèran

Neng,
Geurentes du'a salira
Numbalan jerit na ati
Najan lèngkah kakarayapan
Rumanggiyeung lalaunan
Ngudag impènan kahirupan
Mugiya hibar-Na nyaangan
Marengan urang duaan

Samarinda, 09052012