Istilah Nu Patali Jeung Sasatoan

A. Istilah Husus Dina Sasatoan

* Badot = Embe jalu nu meujeuhna beger, kaambeu bau.

* Bajir/majir = Munding, domba, embe nu teu daekeun anakan, jadi lintuh loba gajihna.

* Bibit = Ingon-ingon indungna nu (bakal) diarah anakna; lauk emas, domba, embe, munding.

* Camani = Hayam camani, hayam nu hideung nepi ka tulang-tulangna, sok dipake ubar atawa tumbal.

* Dongkol = Munding dongkol, mundik nu tandukna duanana ngeluk (ngulapes) ka handap.

* Jago = Hayam jaluna.

* Jajangkar = Hayam jalu nu mangkat beger.

* Jarah = Munding jarah, munding nu teu diurus, diantep sakarepna disampalan, di leuweung.

* Kumahkar = Hayam bikang nu kokotak rek ngendog.

* Pancawarna = Manuk titiran/purukutut nu sorana pohara alusna, langka tur hese ngalana.

* Pelen = Munding jalu nu mangkat beger.

* Pelung = Hayam pelung, hayam nu tarik sarta lambat kongkorongokna, kadenge ka jauh.

* Ranggah = Tanduk ranggah, tanduk munding nu melung ka luhur; tanduk uncal nu ranggakgak.

* Rintit = Hayam rintit, hayam nu tungtung buluna cerentik.

* Sasapihan = Anak hayam nu geus disapihku indungna.

* Tumang = Anjing nu buluna hideung meles.

* Tutul = Maung tutul, maung nu buluna koneng totol-totol hideung.

B. Sora Sasatoan

* Anjing = Ngagogog, nyungungung, babaung.

* Bagong = Sesegrok.

* Domba/embe = ngaberele.

* Entog/meri = Ngawekwek.

* Gagak = Ngelak.

* Hayam = kongkorongok (jago), kokotak (bikang).

* Kuda = Ngahiem.

* Manuk = Recet/ricit (manuk laleutik).

* Maung = Ngagerem, ngagaur.

* Reungit = Ngahieng.

* Tikukur/titiran = Ngantuk (disada terus-terusan).

C. ”Pakarang” Sasatoan

* Badak boga pakarang = Cula.

* Bagong boga pakarang = Sihung.

* Banteng boga pakarang = Tanduk.

* Buhaya boga pakarang = Buntut (seuseukeutan).

* Embe/domba boga pakarang = Tanduk.

* Gajah boga pakarang = Gading & tulale.

* Hayam jago boga pakarang = Siih.

* Kalajengking boga pakarang = Panyeureud.

* Kamarang boga pakarang = Panyereud.

* Kapiting/keuyeup boga pakarang = Panyapit.

* Landak boga pakarang = Cucuk (bulu).

* Lele boga pakarang = Pamatil.

* Maung boga pakarang = Kuku & sihung.

* Munding boga pakarang = Tanduk.

* Nyiruan boga pakarang = Panyereud.

* Oray boga pakarang = Sihung (peurahan).

* Sapi boga pakarang = Tanduk.

* Singa boga pakarang = Kuku & sihung.

* Tawon/tiwuan boga pakarang = Panyereud.

* Ucing boga pakarang = Kuku.

*  Uncal boga pakarang = Tanduk.

Copyright © Tatar Pasundan