Kaayaan Jalma
- Bahenol = Awakna lintuh matut, tapi bangun teu peungkeur
- Bahono = Bohono, demplon, donto, lintuh semu peungkeur
- Bangbang = Awakna jangkung gede
- Bangir = Irungna alus, mancung
- Bayuhyuh = Awakna lintuh pisan
- Bedegul = Sirahna gede
- Besekel = Awakna gede pendek bari ngeusi
- Bolotot = Matana gede
- Bopeng/garok = Bowek, beungeutna pinuh ku ceda
- Bosongot = Rupa beungeut atawa pasemon nu wanian
- Botak/butak = Gundul di tengah-tengah sirah nepi kana tarang
- Buncir = Sok dilarapkeun kana kaayaan beuteung (budak) anu mereketengteng lantaran loba eusina
- Bureuteu = Beuteung nu nyemplu (lantaran lintuh, keur kakandungan, atawa boga kasakit
- Cadel = Teu bentes nyebut aksara /r/
- Cameuh = Carehamna rada ngelok
- Camihmil = Pipina rada kebi lantara montok
- Cadok = Gado nyodor ka hareup
- Cingked = Leumpangna pincang, lantara nyeuri suku atawa cacad salahsahiji sukuna
- Ceureuleuk = Panonna buleud, beresih, cahayaan tur alus sorotna
- Demes = Irungna pesek (sabalikna tina bangir)
- Demplu = Awakna lintuh teu matut
- Denok = Awakna rada montok, donto, tur geulis
- Deog = Sukuna pengkor, teu bisa lempang bener lantaran suku nu sabeulah rada pondok
- Galing = Buukna rada rintit
- Galing muntang = Buukna rintit tungtungna
- Gamuleng = Gademol, rupa beungeutna buleud tur ngeusi, awkna donto; (nu disebut gamuleng biasana awewe nu pakulitanana koneng umyang)
- Geulis = Awewe nu rupana alus, pikaresepeun
- Gomplok = Buukna kandel
- Gundul = Sirahna lenang, taya buukan
- Gandang = Lalaki nu hade dangong, boh dina leumpang boh dina paripolah
- Hejo carulang = Kulit awewe nu alus, rada ngoraan tina hideung santen
- Hulupeutieun = Sirahna leutik
- Jalugjug = Awakna jangkung
- Jebleh = Biwirna nu handap leuwih rubak batan nu luhur sarta rada ngampleh
- Jeding = Biwirna nu luhur leuwih rubak batan nu handap sarta rada ngampleh
- Kambuy = Awakna lintuh tapi teu sehat, siga karembung
- Kasep = Lalaki nu rupana alus
- Keceng = Panonna teu nenjo sabeulah
- Kecing = Sieunan, teu wani sabab nyanghareupan lawan nu leuwih gede, unggul, bedas (nurutkeun anggapan) padahal can tangtu leuwih
- Keked = Ramona hareuras lantaran kasakit incok, jsb
- Kewes = Sesebutan ka jalma nu tegep, pantes katenjona
- Kemong = Pipina semu ngelok ka jero lantaran kuru
- Kempot = Pipina legok saeutik lamun keur seuri siga liang undur-undur
- Keueuseun = Huntuna goreng, harideung tur teu rata
- Lenggik = Awakna jangkung leutik, ramping (awewe)
- Lenjang = Awakna lenggik leutik, ramping (awewe)
- Lingsing = Awakna ngeusi, sehat, lantaran diurus
- Lolong = Panonna duanana teu tiasa ningali
- Nongnong = Tarangna rada nonjol
- Ngajedig = Sesebutan keur kumis atwa halis nu kandel
- Pacer = Sukuna leutik
- Pecak = Panonna teu ningali sabeulah
- Pengkor = Sukuna pincang, teu bisa leumpang bener
- Petet = Panonna leutik saperti nu satengah peureum
- Pireu/pego = Teu bisa ngomong
- Ponges = Irungna cacad tungtungna
- Rangkebong = Awakna begang pisan (biasana jalma nu tas hudang gering atawa jalma nu tas kolot pisan)
- Rebeh = Biwirna rada beukah ka gigir, sabab ngarasa atoh di puji
- Regeng = Awakna begang atawa kuru
- Roges = Huntuna goreng (teu rata)
- Sampulur = Awakna alus potonganana (biasana sok dilarapkeun ka awewe)
- Sieuran = Dilarapkeun ka jalma anu heunteu ka asup geulis atwa kasep, tapi lamun dilelekan pantes atawa tegep (sieuran dilarapkeun kana kaayaan beungeut)
- Sipit = Panonna rada leutik heunteu bolotot (panon bangsa Cina)
- Tonggar = Huntuna nyodor ka hareup, tampolana tepi ka matak hese balem
Copyright © Tatar Pasundan
Posting Komentar