0
R
  1. Ranggaek memeh tandukan = Loba kahayang nu teu saimbang jeung kaayaan dirina. Saharti jeung beunghar memeh boga atawajeneng memeh pangkat.
  2. Raweuy beuweungeun, rambay alaeun = Subur mamur loba dahareun hasil tani.
  3. Rea harta rea harti, rea ketan rea keton = Loba pare (dahareun) jeung loba duit, taya kakurang.
  4. Rea rambat kamalena = Rea patula-patalina jeung perkara sejen.
  5. Rek dibeureum rek dihideung ge pasrah = Rek dikumahakeun oge moal ngalawan.
  6. Rek dijieun jimat paripih (parepeh) = Rek didama-dama, awewe ku salakina nu kacida bogoheunana.
  7. Rejeki kaseser ku hakan = Rejeki beak ku dipake barangdahar atawa beak ku kaperluan dahareun wungkul.
  8. Rejeki maungeun = Rejeki gede anu datangna bleg-blegan, tapi langka pisan.
  9. Rempug jukung = Sauyunan, sahate, silihtulungan.
  10. Reuneuh munding = Awewe reuneuh leuwih ti salapan bulan.
  11. Reuntas ku tingkah = Turun harkat lantaran goreng laku lampah.
  12. Risi ku bisi, rempan ku sugan = Rea kasalempang dina waktu kurang aman.
  13. Rokrok pondokeun, peunggas (getas) harupateun = Babari ambek, babari anggeus-anggeusan.
  14. Rubuh-rubuh gedang = Barudak nu dialajar salat barjamaah (amum) kakara nurutan ruku-sujudna wungkul atawa mi gawe sarupaning perkara teu karana nyaho kana maksudna, sakadar nurutan batur.
  15. Rumbak caringin di buruan = Geus euweuh nu bakal ngingetan, ku sabab geus teu boga kolot saluhureun.
  16. Rup ku padung rap ku lemah, katuruban (diurugan) taneuh beureum = Geus maot, dikubur.
  17. Rusuh luput, gancang pincang, kajeun kendor dapon ngagembol = Sanajan gancang ari gaplah percumah, mending kendor tapi hasil.

Copyright © Tatar Pasundan

Posting Komentar

 
Top