0

  • Ancad laer : ngomongna anca pisan
  • Cental, pacental-cental : pasea, parea-rea omong
  • Eur-eur/garap : kabiasaan ngomong nu harese rek pok/ngomong arap-apareup-eup
  • Galantang, ngagalantang : nyarita atawa pidato panjang tur tatag
  • Galecok/garecok : nyarita (kalawan gumbira) teu eureun-eureun
  • Garihal : omongan kasar matak nyentug kana ati
  • Gebah, ngagebah : ngomong tarik (biasana nyumput heula) sangkan batur reuwaseun
  • Gebes, ngagebes : nyentak, ngahuit
  • Gedebul : rahul, gede omong, gede bohong
  • Gelendeng, ngagelendeng : ngomongan jalma (nu boga kasalahan), mapatahan, biasana paduduaan
  • Gelendut, ngagelendut : nyarita panjang (lila) bari mapatahan ku lemah lembut
  • Gentem : omongan semu agem
  • Gentra, ngagentraan : nyalukan, ngageroan
  • Gerentes, ngagerentes : ngomong di jero hate
  • Gereyem, ngagereyem : ngomong laun ukur kadenge ku sorangan
  • Gero, ngagero : nyorowok, ngaluarkeun sora tarik lantaran aya kareuwas atawa aya bahaya; ngageroan = nyalukan
  • Gonjak, ngagonjak : ngaheureuyan ku omongan (biasana tina hal pikaseurieun)
  • Gorocok : beuki ngomong; ngagorocok = ngomong rusuh
  • Gundam, ngalindur : ngomong kalawan teu sadar (biasana keur sare)
  • Gunem catur : ngawangkong, cacarita leuwih ti saurang
  • Guntreng : cacarita lila duaan, sorana lalaunan
  • Harewos, ngaharewos : nyarita laun pisan ditompokeun kana ceuli batur sangkan ulah kadenge ku nu lian
  • Harewos bojong : caritaan nu diharewoskeun tapi kadenge ku batur
  • Hariweuseus : haliwu, nyarita bari rada gugup (lantaran manggih kareuwas, jeung saterusna)
  • Haroshos : omongan anu meh kadenge (sora jalma nu geus kurang napas)
  • Harung gampung : sompral, ngomong sangeunahna
  • Handap lanyap : omongan lemes tapi eusina ngahina
  • Hoghag : parea-rea omong sarta patarik-tarik sorana (biasana nu pasea atawa nu parebut bebenaran)
  • Humandeuar : ngomong (bari rumahuh), ngedalkeun kasusah, kahoream, jeung sajaba ti eta. (biasana jalma nu ngarasula)
  • Jejebris : ngedalkeun kecap-kecap kateupanuju bari goring budi, ambek jeung sajabana
  • Kah : jawaban awewe mun dicalukan
  • Kecewis, ngecewis : ngecebrek, ngomong teu eureun-eureun
  • Koceak, ngoceak : ngajerit, ngaluarkeun sora tarik lantaran manggih kasieun jeung sajabana
  • Kukulutus : gegelendeng, ngomong sorangan (bari ambek)
  • Kulan : jawaban lalaki, mun dicalukan
  • Kunyam-kunyem : ngomong laun pisan, biwir ukur nguntab
  • Sosoak : ngomong tarik bari ambek

Copyright © Tatar Pasundan

Posting Komentar

 
Top